TOLKA HEES MALOO TUMAY

Waxaa waayahan soo kordhaya xuduudo qabyaaladeed iyo xaafado qabiil oo sameeyay hanaankii iyo heybadii Qaranimo ee uu dalkeenu lahaan jiray, iyadoo ay barbar socoto dowlado Qaran oo lagu asteeyo astaan qabyaaladeed iyo dano shaqsiyadeed. Taasoo ay dheertahay in dowladihii kumeel gaarka ahaa ee dalka laga dhisay ay ahaayeen adeegayaal ka tarjuma dano shisheeye oo aadba moodo inayba u dhisan yihiin fulinta danaha shisheeye.

Dhanka kale waxaa la sameystay kooxo lagu dhex abuurtay kooxihii Islaamiyiinta ahaa, kuwaasoo u adeegaya hey'ado shisheeye. kuwaasoo geysta Dil, Qarxis iyo dhibaatayn loo geysanayo shacabkeena tabaaluhu la haray. Dhanka kale waxay sahlayaan sidii dalka loogu qabsan lahaa iyadoo la tilmaamayo in kooxna la difaacayo kooxna lagu duulayo. Halka ay xaqiiqdu tahay in labada dhanba lagu dhex sameystay kooxo fuliya danahaas guracan ee shisheeyuhu ku doonayo inuu dalkeena ku marin habaabiyo.

Markii waqtigu saamaxo ayaan inoo dhameystiri doonaa ee raali ka ohoow inaan idiin dhameystiri waayay hada.

RAGOOW KIBIRKA WAA LAGU KUFAA KAAS HALA OGAADO (Illaahay ha u naxariisto Ahmed Shariif)

Waxaa hadeer la iisoo sheegay geerida Ahmed Shariif oo aahaa farsamayqaan ka tirsan farsamayaqaanada Radio Muqdisho. Ahmed Allaah ha u naxariiste, waxaa iigu danbeysay 2001 muuqaal ahaan, balse wuxuu ahaa nin niyad furan oo dadka oo dhami iskugu mid u yihiin, wuxuu ahaa nin u jilicsan ehel iyo asxaaba. Maanta 17 August 2013 subaxnimo ayaa lagu hortoogtay gurigiisa hortiisa. Axmed cid danbi kusoo oogtay oo maxkamad horkeentay ma jirin, Ahmed ma ahayn nin hubeysan oo isagoo weerar ku ah meel layska difaacay, Ahmed qof dilay iyo sababta loo dilay ma cada. Arintani waxay u dhacaysaa iyadoo kan wax dilay iyo kan la dilayba aanay garanaynin sababta, waana caalamadaha yaabka leh ee aakhiru sabaan. Ma doonayo inaan kasii hordhoco siday wax u dheceen maadaama dilku uu mar dhoweyd saakay subaxnimadii Muqdisho ka dhacay hadana waxaan ka warsugayaa inaan helo warbixin dheeri ah. Rabi how naxariisto, oo ha u nuuro xabaasha, nasiibkiisa ha geeyo, Janadiisi naciima Inaalilaahi, wa inaa illayhi raajicuun.

Codka Biruhu siday diintu tiri way caburayaane cisho aan fogeynbaa dunida caynka loo furiye.

Codka Biruhu siday diintu tiri way caburayaane cisho aan fogeynbaa dunida caynka loo furiye.

Sida diinteenu inoo sheegtay, dunida waxay soo gabagaboobi doontaa marka uu dhoco dagaalka kama danbeysta ah ee Muslimka iyo gaalada oo qiyaasta lagu wado inuu ka dhici doono ardu Shaam oo qiyaasta lagu sheegay Syria. Ifafaalaha dareenka leh ayaa waxay tahay in dunidu gashay marxalad adag oo dadka xilkaska ahi ku tilmaami karaan inuu yahay aduun saban aakhir. Marka laga eego dhacdooyinka yaabka leh ee gooraale ka dhacaya. Hadey tahay dil dagaal iyo fidnooyin dhinaca dhaqan xumada ah.

Hadaba Allaah kor ahaaye wuxuu ina faray in la raaco wadiiqooyin cad cad oo hadii ay idiin muuqdaan in sabanku yahay fidno layna faray. Waxaana ugu horeeya in laga hijroodo meelaha ay fidnooyinkaasi ka jiraaan.

Hadaba sideynu ognahay waxaa dalka Britan oo aan anigu maanta dadka kunool kamid ahay la fasaxay inay tahay wax sharci ah, inay wax aan diin iyo dhaqan iyo dabeecad aadami oo ogolaan kartaa jirin oo ah in rag xume wax iska dayi karaan ama is gayn karaan. Ifafaalahaas oo dhami waxuu muujinayaa sabanka la galay.

Maanta 23/02/2008 Abaaraha 15:38

Maanta oo ay tahay 23/02/2008 Ayaan bilaabay qorista bogan oo ay u jeedadiisu tahay inaan ku keydiyo macluumaad iyo waayo nololeed iyo weliba marxalada dalkayga iyo dadkayga Soomaaliyeed. Waxay qaby ka tahay buugagtayda aan jeclahay inaan kaga waramo waayihii isoo maray iyo marxaladihii nolosha.

Waxaan rajeynayaa inay cid walba u furan tahay dhaliil iyo bogaadin hadba wixii ay la noqoto.