Kaftan dhable
Waayihii halganku wuxuu ahaa waayo farxad iyo rayn rayn ay kunaaloon jireen dhamaan dadyowga Soomaaliyeed ee Geeska Afrika kunool. Maadaama ay ku jireen halgan aduun iyo aakhiraba uu qofwalba ku naaloonayay inuu helayo shahaado sharaf aduun ama mid aakhiro. Qof walba oo uu qof kaga dhintay ama kaga dhaawacmayna wuxuu ku farxi jiray sharafta uu qofkaas geeridiisa ama dhaawiciisu u leeyahay gaar ahaan iyo guud ahaan bulshada geyiga. Waxaana waayahaas lagu faani jiray ka qayb galka halgankaas oo ahaa mid qofwalba uu niyad u hayay.
Halku dhega kore ee aan cinwaanka uga dhigay oo ah Halgan gobonimo iyo Hawd Jacayl ayaa kasoo jeeda, hoboladii Qaranka Soomaaliyeed oo soo bandhigay ruwaayad ka tarjumeysay halganka iyo mucaashiqiin is jeclayd oo haganka ka qaybqaatay. Mucaashaqiintaas oo in badan oo kamida ay rajeynayeen inay usoo laaban doonaan Jacaylkooda halganka kadib, inkastoo aanay nasiib u yeelanin oo ay ku dhinteen dagaalkii 1977.
Halganka dheer ee ay majaraha u hayaan Jabhada wadaniga Soomaalida Ogaadenya, wuxuu soo bilowday dhowr qarni kahor. Halgankan oo salka ku haya caqiido iyo dhul durugsi ayaa ah midaan marnaba laga heshiin karin, maadaama uu yahay damac aan ka duwanayn kan Yuhuuda ay ku heyso dadka reer Falastiin. Halganka oo soo maray marxalado kala duwan iyo magacyo kala duwan, waxaa maanta u taagan oo u dagaalamayaan Jabhada Xoreynta Wadaniga Ogadeenya (ONLF) oo naf iyo maal u huray sidii ay u difaaci lahaayeen Shidaalka iyo Macdanta ay dowlada Ethiopia ka qodeyso degaanka Soomaaliyeed.
Dhanka kale Ethiopia oo dooneysa inay meel mariso hindisaheeda Shidaal qodista dhulka Soomaalida oo maray inay Ethiopia si qarsoodi ah shidaal ugala soo baxdo degaanka Soomaalida ayaa helay gabaad iyo kooxo u ololeeya difaacida danaha Ethiopia ay ka leedahay dhulka Soomaaliyeed oo uu Illaahay ku manaystay khayraad dabiici ah oo kala duwan. Hadaba si Ethiopia ay taas u meel mariso, waxay sameysatay kooxo MADIIDAYAAL AH oo u adeega danaha Ethiopia ay ka leedahay gobolka Soomaalida oo ay ka socoto Shidaal qodis. Waxaase weli hortaagan oo halgan kula jira Jabhada Xoreynta Wadaniga Ogaadenya oo dhowr goor weeraro ku qaaday goobaha shidaalka laga qodo.
