MAXAA QARANKA BILICDUU LAHAA, BAHALO LOO SIIYAY (SHABEELLE RADIO IYO SHAN MAALMOOD)

MAXAA QARANKA BILICDUU LAHAA, BAHALO LOO SIIYAY (SHABEELLE RADIO IYO SHAN MAALMOOD)

Jabhada arimaha gudaha mise wasaarada arimaha gudaha ee Soomaaliya ayeeynu ugu yeernaa. Mar hadii wax walba ay suurogal ka yihiin oo ay wixii ay dhibsadaancadaalad la'aan iska xukumayaan sow lama oran karo waa istaahilaan tilmaamaha kore. Shan maalmood ku guura xitaa hadii ay sharci daro ku degen yihiin, sow sharci iyo xeer ma jiro, sow xushmad iyo xaqdhowr ma jiro, xitaa hadii ay qaldan yihiin sow maaha muwaadiniin in aan dalkooda lagu gumeysan oo aan awood loo sheegan xaq u leh maaha.

Hadaba hadii dhaqankiinu saas yahay, yeey tahay dadka aad u yeeranaysaan ee aad leedihiin noo kaalaya dowlad ayaa dhalatay. Sow ma ogidin in wargeysyada caalamka maalin walba ay fadeexadiina nagu ceynayaan oo nagu canbaaraynayaan. Magaciina alla bi'i waa tanoo kale, cilmi kasta iyo magaala kasta oo caalamka la geeyo, kuwa caanaha geela ku qaan gaaray, weligood geel jirenimadu kama ba'do.

XUQUUQDA OOGISTA IYO XUQUUQDA IS DIFAACIDA
(Rights to offend and rights to defend)

Aaway xuquuqdii soo Oogista iyo xuquuqda is difaacida, labadiiba ma jabhada arimaha gudaha ayaa qaadatay, aaway dhowristii aadaminimo iyo Islaamnimo. Waxay aniga illa tahay waa arin u baahan inaan maxkamad soo taagno wasiirka arimaha gudaha iyo duqa magaalada Muqdisho oo midna wareegtada amray, midna hore ugu dhaartay inuu hada soo xiri karo, isagoo aflagaadeeyay shaqsiyaad ka tirsan maamulka idaacada shabeelle.

Waa in sharcigu shaqeeyaa ee aanay shanta farood laysu isticmaalin. Waxaa kaloo sharci daro ah in ciidamadu ay weerar fuliyaan aan maxkamad soo amartay jirin. Waana waajib in arintani uu Raysal wasaaruhu ka hadlaa oo arintan uu wax ka yiraahdaa. Hadii kalena uu noo cadeeyaa inay meesha lama canaantaan aan lala hadlin joogaan.

Laga gudubyay Soomaalinimo, geesna loo dhaafye,
Garashiyo aqoon leyska dhaaf, leysna garab qaadye,
Maxay gocasho ii tari, hadaan gudan xilkii waayay.

Abdullahi Ali Hiirad
www.hiirad.net

MAAWEELO & MADADAALO

Naftu mararka qaybtood waxay u baahan tahay, kaftan iyo inay waqti qaadato. Bulshadana waxay u baahan tahay maaweelo.

Marka waxaan soo qaadanaynaa, ifafaalahaygii dhalinyaronimo iyo waayahaygii nololeed qayb kamid ah oo suugaameysan.

Licib dumar intii aanan baran,
Lugaha howshooda,
Inaan laabta eegoon xubnaha,
Libiq sadaa maaha?

Lugaheeda goortaan arkiyo,
Laba legdeynteeda,
Inaan leexo saaroon markaa,
Lalansadaa maaha?

Lahashada qalbiga igiga taal,
Lacistiyo howsha,
Inaan leydha doontiyo markaa,
Laqanyo daac maaha.

Abwaanka wax badan ayaa laga bililiqeystay marka inuu wada fatahmo ayuu diidayaa ee yaan loo dudin.

Waxaan u hibeeyay xubnaha sharafta leh ee Golaha Qaranka Soomaaliyeed oo goor iyo ayaan ila garabtaagan taageeradooda aan kala harka lahayn. Waxaan idiin leeyahay, waxaan idin oron dono maalinteeda.

Hayaanka ha inoo hagaago.

Abdullahi Ali Hiirad

Social & Political Acticist
info@hiirad.net
www.hiirad.net